ឪខ្ញុំចោលម្សៀត

០១.ឪគេមានស្នៀត.....ឪខ្ញុំចោលម្សៀត.....យកជាតិដទៃ
ជាផៅសន្ដាន..........កល្យាណមេត្រី........ឱយផៅយកដី
......................បុរីខ្មែរអស់។
០២.ឪគេមានស្នៀត.ឪខ្ញុំចោលម្សៀត.ខ្មីឃ្មាតលោតផ្លោះ
ស្រែកអួតស្នេហា....ខេមរាស្ម័គ្រស្មោះ.........ញាតិអើយមើលចុះ!
......................ធ្វើខុសសម្ដី។
០៣.ឪគេមានស្នៀត.....ឪខ្ញុំចោលម្សៀត....មាយាទអប្រិយ
បំរើរាជរដ្ឋ..............ធ្វើក្បត់បុរី............លបលួចចូលដៃ
......................ជាតិជ្រៃឱយលង់។
០៤.ឪគេមានស្នៀត....ឪខ្ញុំចោលម្សៀត....មាយាទបរបង់
រើសយកផ្លែល្វា.......ក្នុងវាមមង់...........យល់ថាល្អយង់
......................ឱយលង់ខេមរា។
០៥.ឪគេមានស្នៀត..ឪខ្ញុំចោលម្សៀត..ក្បត់ជាតិសាសនា
ឪអាងអំណាច........កោងកាចឫស្យា......បើស្អប់បុត្រណា៎
......................ប្រហារឱយក្ស័យ។
០៦.ឪគេមានស្នៀត..ឪខ្ញុំចោលម្សៀត...ជួរជាតិអប្រិយ
ដើរតួជួយជាតិ.........ឆ្លៀតជាកវី.........រាំច្រៀងដូចរៃ
..................ស្រាស្រីក្លូបបា(Club Bar)។
០៧.ឪគេមានស្នៀត..ឪខ្ញុំចោលម្សៀត..លួចជាតិខេមរា
លួចទ្រព្យកូនចៅ...ញាតិផៅគ្រប់គ្នា......ឱយតែគ្រួសារ
..................អាត្មាមានយស។
០៨.ឪគេមានស្នៀត.ឪខ្ញុំចោលម្សៀត..ឆ្លៀតចង់ល្បីឈ្មោះ
ដើរតួឯកកុន..........ធ្វើបុណ្យសាងផ្នួស...និពន្ធរឿងឈ្លោះ
......................ក៏ព្រោះអំណាច។
០៩.ឪគេមានស្នៀត.ឪខ្ញុំចោលម្សៀត.ខ្មីឃ្មាតព្រោកប្រាជ្ញ
ស្រែកអព្យាក្រិត....យកចិត្តបីសាច.........ចិនយួនកំណាច
.................ឪប្រាជ្ញអស់ដី។
១០.ឪគេមានស្នៀត.ឪខ្ញុំចោលម្សៀត..លួចឆ្លៀតរួមដៃ
ជាមួយបរទេស.......ឱយជិះជាន់ដី.............ចូលក្នុងបុរី
..................យកដីកម្ពុជា។
១១.ឪគេមានស្នៀត.ឪខ្ញុំចោលម្សៀត..សង្វាតអស្ចារ្យ
ខាងលេងផ្ចាណូ.....កូតទ្រល៉ូឡា............ឥតគិតខ្លួនថា
..................ជាបាជាតិខ្មែរ។
១២.ឪគេមានស្នៀត..ឪខ្ញុំចោលម្សៀត...ជួរជាតិខុសគេ
ដៀលកូនក្បត់ជាតិ..ឪឆ្លៀតរិះរេ.....ហៅសាសន៍យួនវេ
.................ខ្វៃខ្មែរច្រើនណាស់។
១៣.ឪគេមានស្នៀត..ឪខ្ញុំចោលម្សៀត..ជ្រែកជ្រៀតតែផ្ដាស់
ជួយយួនសត្រូវ.......ដូចផៅក្រឡាស់........ដល់ពេលយួនឈ្នះ
......................ក្រឡាស់គូថឱយ។
១៤.ឪគេមានស្នៀត..ឪខ្ញុំចោលម្សៀត....មាយាទ COW BOY
បង្ក្រាបញាតិផៅ.....គ្រប់ជ្រៅជ្រុងជ្រោយ..ឱយខ្មែរទន់ខ្សោយ
...................រុះរោយដូចផ្កា។
១៥.ឪគេមានស្នៀត...ឪខ្ញុំចោលម្សៀត..ឥតស្នៀតបញ្ញា
យកចិនកូរេ..........យួនវេឫស្យា...........ហើយលើកគេជា
..................ឧបជ្ឈាខ្ពង់ខ្ពស់៕

ប្រជាធិបតេយ្យ

០១.អ្វីហៅថាប្រជាធិបតេយ្យ?....គឺរាស្ត្រប្រុសស្រីអ្នករើសរៀប
យកបេក្ខជនមានសមត្ថភាព...សន្លឹកឆ្នោតធៀបប្រៀបលើសគេ។
០២.បេក្ខជនឈ្នះឆ្នោតឡើងដឹកនាំ..ដោយរាស្ត្រទ្រគាំសម្លែងទ្វេ
នៅក្នុងអណតិ្តដែលចែងចេរ.....សូមអស់រាស្ត្រខ្មែរយល់ឱយច្បាស់។
០៣.បេក្ខជនមិនល្អឈប់បោះឱយ..រើសយកជនក្រោយស្រេចលើរាស្ត្រ
នេះជាឧបាយល្អត្រចះ......................ដើម្បីជម្រះការជិះជាន់។
០៤.ប្រជាធិបតេយ្យជាចំបង.........រៀបការគ្រប់គ្រងគ្រប់ក្របខ័ណ្ណ
បក្សដែលឈ្នះឆ្នោតឡើងមកកាន់..ដំណែងតាមខ័ណ្ណខេត្តភូមិឋាន។
០៥.សិទ្ធិសេរីភាពជាមាគ៌ា...មានក្នុងរដ្ឋាយើងថ្កើងថ្កាន
រាស្ត្រអាចរិះគន់ហើយទិតៀន......នេះជាមេរៀនសេរីភាព។
០៦.រាជានិយមស្ដេចសោយរាជ្យ..ស្ដេចគ្មានអំណាចសូមអ្នកជ្រាប
តែសីហនុវិញជិះជាន់កៀប............ឱយខ្មែរខ្លាចរាបគ្រប់អាត្មា។
០៧.រីឯកអាមាត្យដែលឡើងធំ...ស្ដេចលើកបន្ទំជារាជការ
ព្រោះចេះអែបអបទូលពិតការ......ដើម្បីអត្តាបានសក្ដិធំ។
០៨.បើស្ដេចធ្វើខុសគេអបអរ...ហើយស្រែកបន្ទរថាល្អសម
រាស្ត្រវេទនាគេគ្មានបារម្ភ.......ពួកអញឡើងធំថ្កើងអត្តា។
០៩.បើរាស្ត្រទិតៀនត្រូវមានទោស...ចោទដាក់កំហុសវ៉ៃពាធា
នេះហើយយកស្ដេចជាមេបា..សោយរាជ្យតគ្នាយល់ឱយច្បាស់។
១០.ពួកខ្មែរក្រហមកុម្មុយនិស្ត..ពួកវាជាន់ជិះសម្លាប់រាស្ត្រ
ប្រមូលដាក់រួមហើយជន្លៀស...ឱយខ្មែរប្រទះទុក្ខសោកទ្វេ។
១១.ចោទរាស្ត្រខ្មែរឯងថាជាខ្មាំង..យកទៅឃុំឃាំងទុក្ខឥតល្ហែ
វាយដំទាត់ធាក់ថោកជាងឆ្កែ.........ត្បូងចបវាយខ្មែរច្រើនគណនា។
១២.បង្អត់បាយទឹករាស្ត្រស្លូតត្រង់..សម្លាប់ព្រះសង្ឃកាន់សាសនា
ហាមការរៀនសូត្រសិស្សសាលា............វាចាត់ទុកថាជាសត្រូវ។
១៣.រាស្ត្រពោលថាហត់ពួកវាឮ..យប់ឡើងមកស្នើរចងយកទៅ
បានឆ្ងាយដាក់ប៉កនាដងផ្លូវ...ស្លាប់ច្រើនពេកកូវទ្រូងចង្អៀត។
១៤.ដូច្នេះរាស្ត្រខ្មែរកុំរើសបក្ស..ក្រហមអបលក្ខណ៍ប្រលៃជាតិ
កុំជឿឃោសនាពួកនេះទៀត...ប្រយ័ត្នភ្លាត់ស្នៀតចូលដៃវា។
១៥.បក្សប្រជាជនក៏កុម្មុយនិស្ត..ពួកបក្សជាន់ជិះគ្មានករុណា
យកយួនសត្រូវជាមេបា...............ដឹកនាំខេមរាឱយឱនភាព។
១៦.បើរាស្ត្រទិតៀនត្រូវមានទោស..ចោទដាក់កំហុសវ៉ៃធាក់រាប
អយុត្តិធម៌គ្មានសមភាព............ឥតសេរីភាពនិយាយស្ដី។
១៧.អ្នកដឹកនាំខ្មែរគ្រប់ជំពូក.....ប្រឹងស៊ីសំណូកគ្រប់វិស័យ
រថយន្តផ្ទះថ្មល្អស្កឹមស្កៃ..សូមវិនិច្ឆ័យប្រត្យក្សភាព។
១៨.គណបក្សសេរីបានចែងចារ...ដឹកនាំខេមរារកសន្តិភាព
យកសមភាពនិងភាតុភាព...........ហើយសេរីភាពមាគ៌ាធំ។
១៩.គោរពសាសនាវប្បធម៌ខ្មែរ..ជួយរក្សាថែហើយឧបត្ថម
ដើម្បីជាតិខ្មែរល្អឧត្តម.........រស់រានជួបជុំគ្រួសារញាតិ។
២០.គោរពពហុបក្សទាំងឡាយ...ដើម្បីដោះស្រាយបញ្ហាជាតិ
បង្កើនកសិកម្មសិប្បកម្មទៀត..រាស្ត្រត្រូវខ្មីឃ្មាតធ្វើការងារ។
២១.ឆ្នាំកៅបី(១៩៩៣)បោះឆ្នោតក្នុងបុរី.បោះដោយសេរីសាកលណា
រើសដំណាងរាស្ត្រឱយធ្វើការ........ត្រូវពិចារណាគិតស្វះស្វែង។
២២.មុននឹងបោះឆ្នោតត្រូវមើលបក្ស..ដែលល្អរើសដាក់កុំខ្លាចក្រែង
យកបេក្ខជនល្អដែលខ្នាស់ខ្នែង....សន្យាជ្រោមជ្រេងជាតិខេមរា។
២៣.បក្សដែលសន្យាថាជួយរាស្ត្រ...ដល់ពេលបានឈ្នះភ្លេចសន្យា
បោះឆ្នោតលើកក្រោយសូមខេមរា..ឈប់ជឿឃោសនាបក្សនោះទៀត។
២៤.ប្រជាធិបតេយ្យជាមាគ៌ា.......ជូនរាស្ត្រគ្រប់គ្នាប្រើសម្ពាធ
ដើម្បីជម្រុះជនមានស្នៀត..ដែលលួចប្លន់ជាតិបោកប្រាស់រាស្ត្រ៕
តែងនូវឆ្នាំ១៩៩២

វរ្ម័ន

០១.ខ្សែស្ដេចវរ្ម័នសុទ្ធខ្លាំងពូកែ..សាងសង់ច្រើនទ្វេផ្លូវស្ពានបារាយ
អង្គរតូចធំល្អពណ្ណរាយ..........ល្បីឈ្មោះសព្វសាយដូចជាវិភា។
០២.ព្រះបាទជ័យវរ្ម័នទី៧...............មានជ័យឫទ្ធិឱយចារសីលា
«ទុក្ខសោកវេទនារបស់ប្រជា............ជាទុក្ខវេទនារបស់ព្រះអង្គ»។
០៣.ព្រះអង្គច្បាំងការពារដីកម្ពុជា..រៀបចំធារាសាស្ត្រល្អកន្លង
សម្រាប់ស្រែប្រាំងនិងចំការផង.............ឯការគ្រប់គ្រងបវរសោភា។
០៤.សីហនុវរ្ម័នក៏ខ្លាំងដែរ.......ខ្លាំងខាងចាប់ខ្មែរចងបាញ់ប្រហារ
ខ្លាំងខាងជួយយួនគ្រប់និន្នាការ.....ឱយវៀតកុងណា៎រស់ក្នុងដីខ្មែរ។
០៥.សីហនុវរ្ម័នខ្លាំងអស្ចារ្យ...ស្រែកអួតស្នេហាជាតិពលរដ្ឋខ្មែរ
ស្ដេចពឹងវៀតកុងជាសត្រូវខ្មែរ..ឱយសម្លាប់ខ្មែរដណ្ដើមយករាជ្យ។
០៦.សីហនុវរ្ម័នអួតខ្លួនស្មោះសរ..ទ្រង់ជាឃាតករអាងឫទ្ធិអំណាច
សម្លាប់ប្រហារប្រជាខ្លបខ្លាច.........ចិត្តជាបីសាចផ្ទុយពីវាចា។
០៧.សីហនុជេរដៀលខ្មែរក្បត់ជាតិ..ចុះទ្រង់លួចឆ្លៀតជួយយួនឫស្យា!
យួនយកដីខ្មែរដោយសារក្សត្រា............រីឯជាយាកាត់យួនឌាកិនី។
០៨.សីហនុវរ្ម័នទ្រង់ខ្វល់ខ្វាយក្រៃ..........គិតដល់បុត្រថ្លៃសីហមនី
ចង់ឱយឡើងសោយរាជ្យបន្តពី............ឪពុកជាទីគោរពនៃខ្មែរ!។
០៩.ខ្មែរស្លាប់ដល់ទៅពីរលាននាក់..ឥតស្មើរទេអ្នកនឹងទុក្ខស្ដេចខ្មែរ
ដែលបាត់បល្ល័ង្កនិងអំណាចទេ..ឱសឱ!រាស្ត្រខ្មែរម្ដេចថោកម៉្លេះថ្លៃ។
១០.សីហនុវរ្ម័នជួយយួនសត្រូវ........ហេតុម្ដេចឥល៉ូវស្ដេចនៅមានជ័យ
កូនចៅគ្រួសារញាតិផៅប្រុសស្រី.............ចូលមកបុរីដឹកនាំខ្មែរទៀត។
១១.សៀមយួនអប្រិយបង្ខិតសីមា.ដោយស្ដេចកម្ពុជាគំនិត្យចោលម្សៀត
យកសាសន៍ចិនយួនជាឧបជ្ឈាញាតិ.....រួចហើយពិឃាតរាស្ត្រខ្មែរសាសន៍ឯង។
១២.អនាគតសាសន៍ខ្មែរនឹងក្លាយជា..ជនភាគតិចណា៎នៅក្នុងស្រុកឯង
ដូចពួកចំប៉ាខ្មែរក្រោមជាក់ស្ដែង..យូរលង់ខ្មែរលែងមានឈ្មោះជាខ្មែរ៕
តែងនូវឆ្នាំ២០០៤

ស្នេហាជាតិ!

០១.ស្នេហាជាតិនៃស្ដេចកម្ពុជា..គិតតែទាស់គ្នាដណ្ដើមរាជ្យ
ស្ដេចមួយពឹងយួនសាសន៍បីសាច.......ជួយយកអំណាចថ្វាយរាជា។
០២.ឯស្ដេចមួយទៀតទៅពឹងសៀម..បង្ករសង្គ្រាមច្បាំងទាមទារ
យករាជបល្ល័ង្កថ្វាយក្សត្រា....នេះស្ដេចកម្ពុជាអួតស្នេហ៍ជាតិ។
០៣.ស្ដេចមួយពឹងសៀមមួយពឹងយួន..រួចតាំងអួតខ្លួនស្រឡាញ់ជាតិ
បាត់បង់ទឹកឥតបីឃ្លាត......រាស្ត្រស្លាប់ព្រោងព្រាតអន្តរធាន។
០៤.សតវត្សរ៍ទីដប់ប្រាំបួន..ស្ដេចខ្មែរខ្លាចយួនសៀមឈ្លានពាន
ទៅពឹងបារាំងសាសន៍សាមាន្យ.......ការពារសុវណ្ណដែនកម្ពុជា។
០៥.បារាំងបានដៃរឹតជាន់ក.......រឹបអូសឧបករណ៍ច្រើនគណនា
ដូរយកប្រាក់ដួងប្រាក់សុទ្ធរ៉ា..ឱយខ្មែរចាយណា៎ប្រាក់ស្ពាន់វិញ។
០៦.បារាំងសង្កត់រឹបយកពន្ធ...ពីប្រជាជនរាស្ត្រទោរម្នេញ
រាស្ត្រខ្មែរទាល់ក្រគ្មានអ្វីចេញ..ទារពន្ធទម្និញអាងអំណាច។
០៧.មួយពាន់ប្រាំបួនរយហាសិបបី...........កម្ពុជាបុរីបានឯករាជ
ពីបារាំងសេសមហាអំណាច..មានស្ដេចឥតប្រាជ្ញអ្នកសោយរាជ្យ។
០៨.បល្ល័ង្កត្រូវបានស្ដេចផ្សេងទេ..បារាំងបង្វែររាជអំណាច
លើកសីហនុឱយសោយរាជ្យ...ជាស្ដេចឥតប្រាជ្ញដឹកនាំជាតិ។
០៩.បល្ល័ងត្រូវបានស៊ីសុវត្តិទេ.....តែស្ដេចនេះជេរវ៉ៃព្រោងព្រាត
ទ្រង់ស្ប់បារាំងខូចមានស្នៀត..ឃុបឃឹតលួចឆ្លៀតបំផ្លាញខ្មែរ។
១០.សីហបានដៃប្រើអំណាច..ជួយយួនបីសាចសាសន៍ផ្សេងទេ
ឱយតាំងមូលដ្ឋានក្នុងដីខ្មែរ......រំដោះជាតិគេឱយរួមគ្នា។
១១.វៀតកុងមានច្រើនក្នុងដីខ្មែរ.....ធ្វើបាបរាស្ត្រខ្មែររងវេទនា
ប្លន់ទ្រព្យសម្បត្តិគោមាន់ទា....ជួនបាញ់ពាធារាស្ត្រស្លូតត្រង់។
១២.ពេលរាស្ត្រខ្មែរខឹងហែប្រឆាំង..បណ្ដេញចោរខ្មាំងដែលយង់ឃ្នង
ស្រាប់តែស្ដេចខ្មែរខ្ញាល់កន្លង.........ស្រែកជេរអឺងកងថាក្បត់ជាតិ។
១៣.នេះឬស្ដេចខ្មែរអួតស្នេហា.......ទឹកដីខេមរាប្រជាជាតិ
ឥល៉ូវខ្មែរដឹងល្បិចមាយាទ..លបជួយយួនទៀតនេះស្ដេចខ្មែរ។
១៤.ចោទរាស្ត្រឯងក្បត់ឥតបើសម......លន់នល់រំលំសមពិតដែរ
ស្ដេចនៅមិនសុខហៅយួនវេ..ឱយសម្លាប់ខ្មែរយករាជ្យវិញ។
១៥.សាធារណរដ្ឋខ្មែរប្រតិស្ឋឡើង...ក្រោយពីរំលើងក្សត្រាចេញ
ពេលនោះយួនផុសនៅពាស់ពេញ..ធ្វើទុក្ខបុកម្នេញសម្លាប់ខ្មែរ។
១៦.សន្និសីទPARISឆ្នាំចិតបី(១៩៧៣)..ឱយយួនអប្រិយថយចេញទ្វេ
ដកទ័ពឱយអស់ពីដីខ្មែរ...................កុំនៅរារេចូលស្រុកវិញ។
១៧.ទ័ពយួនថយទៅបានរៀបស្រេច..រៀបតាមក្បួនខ្នាច់ហូជូមិញ
អនាគតកាលយួនវិលវិញ............មកយកភ្នំពេញតាមក្បួនខ្នាត។
១៨.ប៉ុលពត-សារីជាសាសន៍យួន......មកបន្លំខ្លួនហើយដូរជាតិ
ដូរឈ្មោះជាខ្មែរឧបាយស្អាត..និយាយខ្មែរទៀតឥតសង្ស័យ។
១៩.គិមត្រាងដូរជាអៀងសារី......វាបានមកពីយួនសេរី(យួនខាងត្បូង)
បានអាហាររូបករណ៍ដោយឈ្លាសវៃ..ហើយចាកបុរីរៀន en France។
២០.ប៉ុលពតឈ្មោះពិតសាឡុតស...បានរៀនបន្តដូចបំណង
របស់ឡុតសួងដែលជាបង...........​​ជួយសព្វគ្រប់ផងយ៉ាងជំនិត។
២១.ប៉ុលពត-សារី-ឱកសាគុណ.....ជួនមុំ-គាតឆុន-ខៀវធីរិទ្ធ
ប៉ុណ្ណារី-សំផន-ជួនប្រសិទ្ធ...ក្រុមផ្ដើមគំនិត្យបង្កើតបក្ស។
២២.ក្រុមនេះប្រជុំនៅPARIS...28,rue St.André des Arts
បង្កើតភាគីបក្សអបលក្ខណ៍...ដែលនាំគ្រោះថ្នាក់ដល់ខេមរា។
២៣.ប៉ុលពតបក្សពួកក្រហមនេះ..នៅពេលច្បាំងឈ្នះលន់នល់រ៉ា
បានសម្លាប់រាស្ត្រច្រើនគណនា...បំផ្លាញកម្ពុជាគ្មានសល់អ្វី។
២៤.បំផ្លាញអស់ហើយតាំងស្រែកថា..ស្នេហាខេមរារាស្ត្រប្រុសស្រី
មហារុងរឿងអស្ចារ្យក្រៃ......តាមពិតជាតិក្ស័យហិនហោចអស់។
២៥.បើពួកនេះពិតជាសាសន៍ខ្មែរ.....ម៉្លេះសមពួកគេនឹកស្រណោះ
ដល់សាសន៍ជាតិខ្មែរដែលរងគ្រោះ..ស្លាប់ពាយជិតអស់សែនចុកចាប់។
២៦.ការសម្លាប់នេះជាល្បិចយួន..ឱយខ្មែររៀនក្បួនយួនបង្គាប់
«ចង់ឱយឈើ​ ងាប់ត្រូវតែកាប់........ឫសកែវទើបងាប់លែងដុះទៀត»។
២៧.ពួកខ្មែរក្រហមចេះច្បាប់ហើយ..មិននៅកន្តើយប្រើគ្រប់ស្នៀត
«ទុកមិនចំណេញដកចេញមិនខាត»....សម្លាប់ផៅញាតិនិងព្រះសង្ឃ។
២៨.សូម្បីទារកជៀសមិនផុត.......ស្លាប់យ៉ាងរន្ធត់វាយសំពង
បោកនឹងគល់ឈើគ្មានសៅហ្មង..សាហាវយង់ឃ្នងសែនឫស្យា។
២៩.បញ្ញវ័ន្តវាគ្មិនក៏សម្លាប់..ខ្មែរក្រហមស្ដាប់យួនមេបា
វាគ្មិនជាគ្រឹះជាតិខេមរា...........ជាឫសកែវណា៎នៃជាតិខ្មែរ។
៣០.ប្រាំពីរមករាចិតប្រាំបួន(១៩៧៩)..កងទ័ពខ្មាំងយួនលេបដីខ្មែរ
បានដូចបំណងអ៊ុងហូដែរ........ឱ!ខ្មែរអឺយខ្មែរអួតស្នេហ៍ជាតិ។
៣១.សីហនុ-ប៉ុលពតលោកសឺនសាន..លោកទាំងអស់បានខំខ្មីឃ្មាត
បង្កើតរណសិរ្សរំដោះជាតិ.........ដេញយួនប្លន់ជាតិលេបកម្ពុជា។
៣២.សីហនុសឺនសានអួតឈ្លាសវៃ...អស់លោកគិតខ្លីពឹងចិនណា៎
យកជំនួយចិនគ្រប់ប្រការ.............ហើយតាំងស្រែកថាអ្នកសេរី។
៣៣.លោកប្រឆាំងខ្មែរកុម្មុយនិស្ត.....លោកជាជំនិះចិនអប្រិយ
ចិនជួយរណសិរ្សបក្សទាំងបី...ម្ដេចឡើយស្រដីស្អប់កុម្មុយនិស្ត។
៣៤.ចិនកុម្មុយនិស្តមិនឆ្កួតទេ....ចិនឱយប្រាក់ខែលោកដូច្នេះ
ដើម្បីជាឈ្នាន់ពួកកុម្មុយនិស្ត........ហើយជាជំនិះខ្មែរក្រហម។
៣៥.សីហនុសឺនសានលោកបានជួយ...ព្រមទាំងលើកស្ទួយខ្មែរក្រហម
ក្រុមបំផ្លាញជាតិឱយទ្រុឌទ្រោម..ប្រៀបដូចលោកព្រមជួយខ្មាំងយួន។
៣៦.បើមេក្រហមជាសាសន៍ខ្មែរ......ម៉្លេះសមពួកគេឈប់រុកគួន
ឈប់សម្លាប់ខ្មែរជាល្បិចយួន..ស្រុះស្រួលសមសួនបក្សទាំងអស់។
៣៧.ប៉ុលពតមិនចង់ឱយកម្ពុជា..សុខសាន្តត្រាណណា៎គិតតែឈ្លោះ
ប្រលៃសាសន៍ខ្មែរឱយស្លាប់អស់..........ដើម្បីយួនរស់លើដីខ្មែរ។
៣៨.បើមានសន្តិភាពក្នុងកម្ពុជា..យួនឥតលេបណា៎បានដីខ្មែរ
ដូច្នោះប៉ុលពតវាត្រូវតែ..........ប្រលៃពូជខ្មែរតទៅទៀត។
៣៩.បំណងប៉ុលពតគឺវាទុក.........ខ្មែរមួយជង្រុកដែលភ្លេចជាតិ
ធ្វើការឱយយួនពួកចោលម្សៀត..រួចហើយយួនឆ្លៀតមកជាន់ជិះ។
៤០.លោកសុវណ្ណ-ទាបាញ់-ជាស៊ឹម..ត្រូវយួនចាប់ទឹមជាជំនិះ
លើកឱយធ្វើធំហើយជាន់ជិះ........សម្លាប់ខ្មែរវិះផុតពូជផង។
៤១.តាំងពីតូចលោកទៅស្រុកយួន..ដើម្បីរៀនក្បួនចងក្រង
ឱយស្គាល់សាសន៍យួនជារៀមច្បង..បានដូចបំណងហូចែងចារ។
៤២.ពេលយួនលេបបានដីកម្ពុជា..លើកលោកគ្រប់គ្នាឱយធ្វើការ
ដឹកនាំការពារជាតិខេមរា.............ធ្វើតាមបញ្ជាយួនទាំងអស់។
៤៣.សំរិន-ហ៊ុនសែនក៏កុម្មុយនិស្ត..សម្លាប់ជាន់ជិះខ្មែររងគ្រោះ
ទទួលបញ្ជាប៉ុលពតទាំងអស់....យកទៅសាបព្រោះបដិវត្តន៍ថ្មី។
៤៤.លោកសម្លាប់រាស្ត្រដូចពតដែរ...រហូតទាល់តែយួនយកដី
យកបានក្រចេះតាកែវអី..ដល់ចិត្តប្រាំបី(១៩៧៨)ទើបភ្ញាក់ខ្លួន។
៤៥.ភ្ញាក់ខ្លួនព្រោះប៉ុលពតចោទថា..លោកចូលយួនរ៉ាក៏ភ័យខ្លួន
ប៉ុលពតកោះហៅលោកគេចពួន........ចូលទៅស្រុកយួនរួចអាត្មា។
៤៦.សូភឹម-ញឹមរស់ក៏ដូចគ្នា.......ក្រុមប៉ុលពតវាបាញ់ប្រហារ
ដោយជាប់ចោទក្បត់នឹងក្រុមវា..ឱយដៃយួនវាចូលក្នុងស្រុក។
៤៧.សូមពលរដ្ឋខ្មែរពិចារណា..អស់គ្រប់ស្ថានការអសន្តិសុខ
ទុរ្ភឹក្សវេទនាខ្មែរគ្រប់ស្រុក......គឺ«យួនលាបមុខឱយជល់គ្នា»។
៤៨.ក្រុមមេក្រហមជាសាសន៍យួន.....មកបន្លំខ្លួនហើយបញ្ជា
ឱយខ្មែរប្រទូស្តខាំប្រហារ.........រវាងខ្មែរណា៎នេះល្បិចយួន។
៤៩.ខ្មែរខាំគ្នាហើយយួនមកជួយ..នេះជាល្បិចមួយល្អសមសួន
តាមពិតគំនិត្យជាតិសាសន៍យួន.....យកលេះរួចខ្លួនគុណយួនធំ។
៥០.យើងដឹងច្បាស់ហើយក្រុមជាស៊ឹម.....មេយួនចាប់ទឹមឱយធ្វើធំ
ចំណែកប៉ុលពតយួនបន្លំ..........បានឡើងធ្វើធំសម្លាប់គ្នា។
៥១.ជួយយួនពេញមុខយើងស្គាល់ជាក់..ជួយយួនលួចលាក់ពិបាកណា
យើងត្រូវវែកញែកពីកិច្ចការ.........នោះទើបដឹងថាយួនឬខ្មែរ។
៥២.បើខ្មែរធ្វើការឱយយួនផ្ទាល់.....យើងរហ័សស្គាល់ចំណាំដែរ
ធ្វើការលួចលាក់មិនងាយទេ..........សូមខ្មែររិះរេគឹតវិនិច្ឆ័យ។
៥៣.ក្រុមមេក្រហមខំធ្វើការ............ឱយយួនមេបាឥតសង្ស័យ
ព្រោះវាបញ្ជាឱយប្រលៃ.........រាស្ត្រខ្មែរប្រុសស្រីគ្រប់វេលា។
៥៤.ឱយធ្វើសង្គ្រាមតទៅទៀត. ដើម្បីយួនឆ្លៀតចូលកម្ពុជា
យួនកាន់តែច្រើនពេញកម្ពុជា.....យូរទៅក្លាយជាវៀតណាមថ្មី។
៥៥.វៀតណាមថ្មីគឺឥណ្ឌូចិន.......ឥតមានទាក់ទិនរឿងខ្មែរអី
ពលរដ្ឋវៀតណាមទាំងប្រុសស្រី......ចូលនៅដីថ្មីគ្រប់កន្លែង។
៥៦.យូរទៅសាសន៍ខ្មែរនឹងក្លាយជា..ជនភាគតិចណា៎ក្នុងស្រុកឯង
យួនច្រើនលើសលុបឥតខ្លាចក្រែង.....ជិះជាន់ខ្មែរឯងជាម្ចាស់ស្រុក។
៥៧.សូមអ្នកដឹកនាំខ្មែរគ្រប់ជំពូក.....នាំគ្នាលៃលករកសន្តិសុខ
ជូនជាតិខេមរាឱយផុតទុក្ខ...........កុំនៅអែរអុកសម្លាប់គ្នា។
៥៨.បង្កើតឱយមានពហុបក្ស..ជាសវាងគ្រោះថ្នាក់ទុក្ខទោសា
ដល់ពលរដ្ឋខ្មែរក្នុងកម្ពុជា...........យករបបរាជាធិបតេយ្យ។
៥៩.អំណាចផ្ដាច់ការរាស្ត្រគ្មានសិទ្ធ..សូមរាស្ត្រខ្មែរគិតវិនិច្ឆ័យ
មិនអាចទិតៀនដល់មន្ត្រី.................ដឹកនាំបុរីតាមប្រាថ្នា។
៦០.របបរាជាធិបតេយ្យ...............គឹរាស្ត្រប្រុសស្រីរើសសភា
ជាដំណាងរាស្ត្រគ្រប់និន្នាការ...........ដែលបានសន្យាបំរើជាតិ។
៦១.បើអ្នកទាំងនោះមិនគោរព..រាស្ត្រខ្មែរត្រូវឈប់រើសគេទៀត
រើសបេក្ខជនថ្មីដែលខ្មីឃ្មាត........ធ្វើការជួយជាតិរាស្ត្រខេមរា។
៦២.ស្រឡាញ់ជាតិត្រូវធ្វើការ............ស្រឡាញ់គ្រួសារត្រូវធ្វើការ
ស្រឡាញ់កិច្ចការត្រូវឧស្សាហ៍.....បានផលផ្លែផ្កាជួយដល់ជាតិ។
៦៣.ការងារគ្រួសារជាតិសាសនា..........ចងចាំគ្រប់គ្នាជនរួមជាតិ
កុំដេកចាំប្រាក់ពីសាច់ញាតិ..........ត្រូវខំខ្មីឃ្មាតអ្នកថ្កើងថ្កាន។
៦៤.ជាតិរុងរឿងដោយអ្នកដឹកនាំ..ទោះឆ្វេងទោះស្ដាំចេះប្រមាណ
បង្កើតមេភ្លើងដែលជាស្ពាន.......ទៅកាន់ឧទ្យានឧស្សាហកម្ម។
៦៥.សូមពលរដ្ឋខ្មែរទាំងស្រីប្រុស..លះបង់ជន្លោះទោះឆ្វេងស្ដាំ
សង្គ្រាមនាំមកសោកនាដ្យកម្ម......ជាតិរាស្ត្ររងកម្មសែនវេទនា។
៦៦.ច្បាំងនឹងអាវុធជាតិខ្មែរក្ស័យ..ច្បាំងយូរអស់ដីជាតិសាសនា
ច្បាំងនឹងគំនិត្យវ័យប្រាជ្ញា........ទើបជាតិខេមរាអភិរូហ៍អើយ៕

សីហមានគរុទោស

០១.សម្ដេចនរត្តមសីហនុ......ទ្រង់មានគរុទោសច្រើនក្រៃ
ទ្រង់ឱយវៀតកុងពួនក្នុងបុរី..ផ្ទុកស្បៀងចំណីនិងសព្វាវុធ។
០២.ទ្រង់ស្រែកជេរចក្រពត្តិអាគាំង..ដែលធ្វើចម្បាំងវ៉ៃមោះមុត
ដេញតាមវៀតកុងដែលគេចផុត....ពីលានប្រយុទ្ធចូលដីខ្មែរ។
០៣.ទ័ពយួនវៀតកុងខ្លាចយន្តហោះ.រត់ពួនកៀនកោះក្នុងភូមិខ្មែរ
យន្តហោះទម្លាក់.បាញ់រះរេ..........គ្រាប់ផ្ទុះចំខ្មែរឆេះផ្ទះអស់។
០៤.ទ័ពវៀតកុងចេះក្បួនយុទ្ធសាស្ត្រ..ក៏គេចបម្រាស់រួចពីគ្រោះ
រាស្ត្រខ្មែរជាអ្នកទទួលគ្រោះ....ត្រូវគ្រាប់របួសស្លាប់ច្រើនទ្វេ។
០៥.ស្ដេចខ្មែរមហេសីជាតិយួន..ស្រែកជេរគុំកួនខឹងឡប់ឡែ
ឈប់យកជំនួយអាគាំងដែរ......យកចិត្តយួនវេជាឧបជ្ឈា។
០៦.ចិនយួនគេឆ្លាតចេះបញ្ជោរ..សីហស៊ីជោរលង់អាត្មា
ដឹកនាំរាជរដ្ឋរាស្ត្រខេមរា..ចូលក្នុងមាត់ខ្លាឥតសៅហ្មង។
០៧.ទ្រង់បដិសេធជំនួយអាគាំង..ហើយទ្រង់អួតខ្លាំងក្លាកន្លង
កាត់ចំណងទូតអាគាំងផង......បំពេញបំណងពួកកុម្មុយនិស្ត។
០៨.ចិនយួនបញ្ជោរហើយលើកជើង..សីហតម្កើងឫកខ្ពស់ម៉្លេះ
មិនគិតថាទ្រង់ជាជំនិះ..............ពួកកុម្មុយនិស្តចិត្តឫស្យា។
០៩.ស្ដេចចោទបញ្ញវន្តខៀវក្រហម.បើមិនចុះញ៉មក្ស័យជីវា
មានគូរុនជាឆ្កែចាំការពារ.............វាយដំពាធាតាមស្ដេចចង់។
១០.សឺនង៉ុកថាន់-សំអៀន-សារី...ព្រាបអ៊ិន-បុរី ត្រូវព្រះអង្គ
កាត់ទោសប្រហារជីវិតផង.....ខ្លះទៀតចាប់ចងបាញ់ពាធា។
១១.ជួនមុំ-ជួនជឿន-អៀងសារី...ធីរិទ្ធ-ប៉ុណ្ណារី-សឺនសេន-នួនជា
ប៉ុលពត-សំផន-តាម៉ុកទៀតណា៎..........សីហជាបាទៀតនោះអី!។
១២.ក្រុមនេះជាទមិឡឥតសាសនា...រស់រានជីវាដោយស្ដេចអប្រិយ
ជួយពួកកុម្មុយនិស្តអន្យតិរ្ថិយ......បានឈ្នះប្រលៃជាតិខេមរា។
១៣.សីហនុមានសាសន៍ជាខ្មែរ......ហើយហៅយួនវេមកប្រហារ
ជាតិសាសន៍រាស្ត្រឯងច្រើនគណនា..ស្ដេចនេះពាលាគម្រក់ណាស់។
១៤.ស្ដេចចោទគេឯងថាក្បត់ជាតិ..ដល់ទ្រង់លួចឆ្លៀតជួយយួនច្បាស់
ជួយខ្មែរកុម្មុយនិស្តឱយបានឈ្នះ..ទ្រង់អួតខ្លាំងណាស់ថាស្នេហ៍ជាតិ។
១៥.ទ្រង់ពោលអាណិតពលរដ្ឋខ្មែរ..ក្រោយខ្នងទ្រង់បែរលបលួចឆ្លៀត
ឃុបឃឹតលកលៃធ្វើពិឃាត........ខ្មែរខ្លាចបាក់ស្បាតជាប់ទោសក្បត់។
១៦.ព្រះអង្គតាំងខ្លួនដូចជាព្រះ...ខ្មែរណា៎មានះត្រូវរលត់
ឱយរាស្ត្រគោរពដូចព្រះពុទ្ធ..នាំគ្នាឱនលុតក្រាបផ្ទាល់ដី។
១៧.សីហនុទ្រង់ឥតខ្វល់ទេ..........ទ្រង់ស៊ីប្រាក់ខែចិនអប្រិយ
ដោយចិនផ្គត់ផ្គង់គ្រប់វិស័យ..ឥតស្គាល់ទុក្ខភ័យក្ដីទុរ្ភិក្ស។
១៨.ស្ដេចឥតខ្វល់ទេអញបានសុខ.ទោះរាស្ត្រមានទុក្ខធ្ងន់ពន្លឹក
កម្ពុជាក្លាយជាសមរភូមិសឹក.....សង្គ្រាមវរវឹកសែនខ្លោចផ្សា។
១៩.សិង្ហឯងសាសន៍ខ្មែរជាកូនចុង..ឪម៉ៅសេទុងចិត្តឫស្យា
សម្លាប់រាស្ត្រឯងច្រើនគណនា.....ឪកូនដូចគ្នាសាហាវណាស់។
២០.ពឹងសត្រូវសួរពូជឱយជួយច្បាំង..រំដោះរាជវាំងទោសធ្ងន់ណាស់
ខ្មាំងយួនបានដៃវ៉ៃព្រលះ...........ខ្មែរស្លាប់ដេរដាសក្នុងបុរី។
២១.នេះឬស្នេហ៍ជាតិនៃក្សត្រា...ដឹកនាំខេមរាឃោរឃៅក្រៃ
ជននៅទាស់ផ្លូវត្រូវធាក់វ៉ៃ....អ្នកដណ្ដើមកៅអីត្រូវវិនាស។
២២.អ្នកទិតៀនស្ដេចជាប់ទោសក្បត់..ចាប់យកទៅលត់វាយដំទះ
បើរឹងទទួលទោសធ្ងន់ណាស់....ទាត់ធាក់ចាក់ច្រាស់ឱយខ្លបខ្លាច។
២៣.សរុបទៅសីហលោភលន់.......មិនចេះឆ្អែតឆ្អន់នឹងអំណាច
ខ្មែរត្រូវតែគោរពកោតខ្លាច..ថ្វាយស្ដេចសោយរាជ្យរហូតវើយ។
២៤.ទោះខ្មែរស្លាប់ពីរលាននាក់..ស្ដេចខ្មែរឥតភ្ញាក់រលឹកឡើយ
សៀមយួនយកដីស្ដេចព្រងើយ...ឱយតែអញអើយបានសោយរាជ្យ៕
-ដកស្រង់ពីសៀវភៅៈ SIHANOUK et LE DRAME CAMBODGIEN par
Bernard HAMEL
-ឆ្នាំ១៩៦៣/៦៤/៦៥ អាមេរិកាំងទម្លាក់គ្រាប់បែកនៅតាមព្រំដែនខ្មែរ
វៀតណាមខាងត្បូងបណ្ដាលឱយខ្មែរស្លាប់៧២នាក់និងរបួស១៦១នាក់។
-ឆ្នាំ១៩៦៣ សម្ដេចសីហនុបដិសេធជំនួយស.រ.អា.ចំនួន២០លានដុល្លា
ហើយបានផ្ដាច់ចំណងទូតនូវឆ្នាំ១៩៦៥។
-សន្និសិទប្រជាជនឥណ្ឌូចិននៃខែឧសភាឆ្នាំ១៩៦៥ សម្ដេចសីហនុបាន
ទទួលគណប្រតិភូយួនកុម្មុយនិស្តយ៉ាងឧឡារិក។
-ឆ្នាំ១៩៦៥ថ្ងៃទី២ខែកញ្ញា សម្ដេចសីហនុបានយាងទៅដល់ប្រទេសចិន
ហើយចិនបានទទួលយ៉ាងឧឡារិក។ទ្រង់យាងទៅដល់ទីក្រុងប៉េកាំងនាថ្ងៃទី
២៨ខែកញ្ញាឆ្នាំដ៏ដែល៕

សីហជាហង្ស

០១.សីហជាហង្សឥតប្រាជ្ញា........រើសយកផ្លែល្វាភ្លឺយល់យង់
គិតមានរស់ជាតិក្នុងមមង់..........ដោយសារព្រះអង្គខ្វះវិញ្ញាណ។
០២.សីហជាហង្សឆោមសង្ហារ....ហង្សជាក្សត្រាចាញ់បោកព្រាន
ជារាស្ត្រសាមញ្ញត្រូវខ្មាសអៀន........ចារជាមេរៀនសាវតាខ្មែរ។
០៣.សីហជាហង្សរាស្ត្របេត្តី......ហៅរាស្ត្រចូលព្រៃជួយពួកខ្មែរ
ក្រហមអបលក្ខណ៍ឃោឃៅទ្វេ......ហង្សជួយយួនវេទៀតផងណា៎។
០៤.សីហជាហង្សជួយសាសន៍គេ....ហង្សមិនគិតទេស្រែកខ្លាំងក្លា
កុម្មុយនិស្តខ្មែរឈ្នះដោយក្សត្រា.ឈ្នះហើយខេមរាទុក្ខធ្ងន់ធ្ងរ។
០៥.សីហជាហង្សពណ៌ឆើតឆាយ.......ហង្សរស់សប្បាយចាយឈូឆរ
foie gras, champagne ល្អបវរ.....គ្មានគិតរាស្ត្រក្រខ្សត់វេទនា។
០៦.សីហជាហង្សសង៉ាក្រៃ...............ហង្សរស់ឥតដីស្រដីក្លា
អួតស្រឡាញ់ជាតិរាស្ត្រប្រជា..........បំផ្លាញខេមរាហិនហោចអស់។
០៧.សីហជាហង្សវង្សក្សត្រា.......ហង្សឥតប្រាជ្ញាឃើញតែយស
ហង្សប្រើអំណាចចិត្តអសុប្បុរស.....រាស្ត្រអឺយមើលចុះ!ខំលាក់លៀម។
០៨.សីហជាហង្សរស់ឥតរាជ្យ.សូមហង្សឈប់ប្រាជ្ញហើយនៅស្ងៀម
ផ្ទុំនៅឱយសុខឈប់អង្កៀម......សម្លាប់ហុតឈាមរាស្ត្រស្លូតត្រង់។
០៩.សីហជាហង្សបានព្រោកប្រាជ្ញ.ទោះហង្សអស់រាជ្យប្រាជ្ញតាមចង់
អួតស្នេហាជាតិ ឲយជាតិលេចលង់.........ព្រោះអីហង្សទ្រង់ជួយយួនជាក់។
១០.សីហជាហង្សជួយកុម្មុយនិស្ត........ហង្សជាជំនិះយួនអបលក្ខណ៍
រំដោះឥណ្ឌូចិនបានប្រត្យក្ស..............យកដីខ្មែរដាក់ចំណុះយួន។
១១.សីហជាហង្សសាសន៍ជាខ្មែរ............បំរើយួនទ្វេមិនភ្ញាក់ខ្លួន
ឯមហេសីជាកូនកាត់យួន..................នាំគ្នាពឹងយួនសម្លាប់ខ្មែរ។
១២.សីហជាហង្សឥតខ្វល់ណា៎...........ទោះជាតិខេមរាទុក្ខឥតល្ហែ
ហង្សខំបំរើសាសន៍យួនវេ......................អនាគតជាតិគេរីកធំធាត់៕
តែងនូវឆ្នាំ១៩៨៧

ផ្លែកគេអស្ចារ្យ

០១.ឪពុកឡើងស្នង.....តពីកូនម្ដង...........ទំនងដែរទេ!
ពិភពលោកមានតែ......ទេសខ្មែរមួយទេ..ប្រវត្តិស្ដេចខ្មែរ
....................ផ្លែកគេអស្ចារ្យ។
០២.គឺបារាំងសេស.......អាងមានតម្រេះ.......គេចវេសមាត្រា
រើសយកសីហនុ.........សីលុអស្ចារ្យ.....ឱយគ្រងររដ្ឋា
....................ស្មានថាពត់បាន។
០៣.សីហគ្រងរាជ្យ.....តែគ្មានអំណាច....ដាក់រាជ្យពីប្រាណ
មកដឹកនាំរដ្ឋ..........លត់ពត់បំពាន........ស្រែកជេរព្រមាន
....................អ្នកហ៊ានតវ៉ា។
០៤.វាគ្មិននិស្សិត.....ដែលមានគំនិត្យ..ទារសិទ្ធឃោសនា
ត្រូវជាប់ទោសក្បត់.....រត់គេចអាត្មា......ស្ដេចចេញបញ្ជា
....................ពាធាប្រញ៉ាប់។
០៥.ទសវត្សហុកប្លាយ.វាគ្មិនខ្ចាត់ខ្ចាយ.អន្តរាយដល់ស្លាប់
សីហស្រែកជេរ.........ដៀលខ្មែរអឺងអ័ព្ទ..ក្លាយជាទម្លាប់
...................ធ្លាប់ជាប់មាត់ស្ដេច។
០៦.ស្ដេចនិងភរិយា....ស្ម័គ្រចិត្តសាមគ្គា.....រួមគ្នាជាបាច់
ព្រមឱយវៀតមិញ......ចូលចេញចរត្រាច់......វាយទ័ពអាមេរិក
....................គេចចូលដីខ្មែរ។
០៧.យួនវេពូនពាក់......ជាង៦ម៉ឺននាក់......ស្នាក់នៅដីខ្មែរ
ពួកវាទារពន្ធ.........លួចប្លន់រាស្ត្រខ្មែរ...ជួនធ្វើឃាតដែរ
...................ខ្មែរនៅទាស់ផ្លូវ។
០៨.ស្ដេចស្រែកអព្យាក្រឹត.តែទ្រង់យកចិត្ត.....មិត្តជាសត្រូវ
បានជាលន់នល់........ស្ម័គ្រជល់នឹងឪ.......បានផលអាស្រូវ
...................នូវសង្គ្រាមជ័យ។
០៩.វៀតកុងវៀតមិញ.ចល័តពាស់ពេញ.......ត្រាច់ចេញពីព្រៃ
មកបាញ់ទាហាន.......ឈ្លានពានប្រលៃ..រាស្ត្រខ្មែរប្រុសស្រី
...................ក្នុងដីកម្ពុជា។
១០.កងទ័ពជាតិខ្មែរ....តិចជាងយួនវេ..........ជ្រាបទេខេមរា
អាវុធយុទ្ធភ័ណ្ឌ......ក៏អន់អស្ចារ្យ.....ធ្វើម្ដេចព្យតិហារ
...................ឈ្នះណា៎យួនវេ។
១១.សីហ-ខ្មែរក្រហម..ចរចាយល់ព្រម...........រួបរួមស៊ីញេ
ក្រោមការឧបត្ថម....អ្នកធំយួនវេ...........និងចិនផងដែរ
..................សូមខ្មែរវិនិច្ឆ័យ។
១២.សីហជាបា.......ដឹកនាំ«កម្ពុជា.......ប្រជាធិបតេយ្យ»
មានយួនជួយច្បាំង....ប្រឆាំងប្រលៃ......ឱយរាស្ត្រខ្មែរក្ស័យ
..................ព្រៃផ្សៃអស្ចារ្យ។
១៣.ខ្មែរបានចងចាំ...ឆ្នាំចិតសិបប្រាំ(១៩៧៥)..ដប់ប្រាំពីរមេសា
«រណសិរ្សរួប........រួមជាតិកម្ពុជា»............សីហជាបា
..................បានណា៎ជោគជ័យ។
១៤.បក្សស្ដេចឈ្នះហើយ..មិននៅកន្តើយ..ចាប់អឺយប្រលៃ
មេភូមិមេឃុំ..........ឧត្តមសេនីយន៍..........ឧត្តមមន្ត្រី
..................កុង្សីសភា។
១៥.គ្រូពេទ្យវិជ្ជបណ្ឌិត.សាស្ត្រាចារ្យវរមិត្រ..ត្រូវមិត្តប្រហារ
រួមទាំងយុពា.........ទារកទារិកា.........អ្នកឈ្នះចោទថា
..................ពួកអាក្បត់ជាតិ។
១៦.សីហឡើងជា....«ប្រមុខរដ្ឋកម្ពុជា»..មុខងារខ្ពស់ទៀត
ជាយុគដែលខ្មែរ.....ត្រូវគេសម្ពាធ.....ប្រើគ្រប់ល្បិចស្នៀត
..................ពិឃាតប្រជា។
១៧.ខ្មែរពីរលាននាក់...ត្រូវក្រុមអបលក្ខណ៍.....វាយធាក់ពាធា
រាស្ត្រដែលនៅរស់...រងគ្រោះវេទនា.......ហើយមានរោគា
..................តាមព្យាបាទទៀត។
១៨.បក្សស្ដេចដែលឈ្នះ.បញ្ជាឱយរាស្ត្រ.ចាកផ្ទះខ្មីឃ្មាត
ទាំងជនពិការ........គ្រួសារសាច់ញាតិ..កម្មពៀរបៀនបៀត
..................ចង្អៀតឱរា។
១៩.រាស្ត្រស្ទើរទាំងអស់.ដៃទទេស្មោះ...ធ្លាប់រស់នៅផ្សារ
រៀងកាយស្គាំងស្គម..មូសចោមខាំផ្សា......ហើយខំធ្វើការ
....................គ្មានអាហារឆី។
២០.ប្រាំពីរមករា(១៩៧៩).ខ្មែរសង្ឃឹមថា......ផុតណា៎ទុក្ខភ័យ
សង្គ្រាមផ្ទុះទៀត....ព្រាត់ញាតិប្រុសស្រី.ខ្មែរឈ្លោះប្រលៃ
...................ច្បាំងវ៉ៃទ័ពយួន។
២១.ទ័ពយួនពូនពាក់....១៧ម៉ឺននាក់............ពិទ័គ្ធមាំមួន
ដេញពួកប៉ុលពត......រត់លោតគេចពួន.....មឺតយករួចខ្លួន
..................ខ្លាចយួនអស្ចារ្យ។
២២.ជាងពីរទសវត្ស(៦៨-៩១).ក្រុមបដិវត្ត..អនុវត្តខ្លាំងក្លា
បោសសំអាតផ្ទះ....ចាប់រាស្ត្រប្រហារ.......បំផ្លាញខេមរា
..................សាសនាជាតិខ្មែរ។
២៣.ក្រុមបដិវត្ត.....ចេះចាំក្បួនស្ទាត់.......អនុវត្តតាមមេ
គឺម៉ៅសេទុង.......និងអ៊ុងហូដែរ.........ទ្រឹស្ដីរបស់គេ
.................«ចោទខ្មែរក្បត់ជាតិ»។
២៤.ខ្មែរបានទន្ទេញ.«ទុកមិនចំណេញ......ដកចេញមិនខាត»
នាំគ្នាចាប់រាស្ត្រ....ព្រលះពិឃាត......ជាប់ទោសក្បត់ជាតិ
.................ល្បិចស្នៀតឫស្យា។
២៥.សន្និសិទ PARIS..ចតុភាគី.............ស៊ីញេព្រមគ្នា
ឈប់ឈ្លោះប្រឆាំង..ឈប់ច្បាំងពាធា.....គិតគូរកម្ពុជា
..................ប្រជារាស្ត្រខ្មែរ។
២៦.បានអន្តរជាតិ....ខិតខំខ្មីឃ្មាត.......សម្ពាធបាខ្មែរ
ឱយដកពិសោធ.....បោះឆ្នោតរើសមេ.ដំណាងរាស្ត្រខ្មែរ
.................ស្រេចតែចិត្តរាស្ត្រ។
២៧.ឆ្នាំកៅសិបបី(១៩៩៣).រាស្ត្រខ្មែរពេញវ័យ.ប្រុសស្រីរូតរះ
នាំគ្នាបោះឆ្នោត..ឥតក្រោធមានះ..ឱយបក្សស្ដេចឈ្នះ
.................ប្រទះបញ្ហា។
២៨.អ្នកចាញ់រូតរះ..សំល៉ុតអ្នកឈ្នះ........មានះទាមទារ
ដណ្ដើមអំណាច....កោងកាចឫស្យា.......បង្ករបញ្ហា
................ចលាចលឈូឆរ។
២៩.អន្តរជាតិជាអ្នក..បង្កើតអ៊ុនតាក់..........ពិទ័គ្ធបវរ
សម្ពាធមន្ត្រី......កុង្សីខ្មែរក៏.........លះបង់អធិករណ៍
.................ចរចាសត្យ។
៣០.ខ្មែរបានសម្រាល..រដ្ឋាភិបាល......ក្បាលពីរមែនជាក់
គឺដំណែងមួយ........កាន់គ្នាពីរនាក់........ជាគូបដិបក្ខ
..................មោឃៈឱយគ្នា!!!។
៣១.ឆ្នាំកៅប្រាំពីរ(១៩៩៧).រដ្ឋបាលក្បាលពីរ..គ្រប់ទីភារា
បានឈ្លោះប្រកែក..ហួរហែកពាធា......ពេញរដ្ឋកម្ពុជា
..................ពាលាអប្រិយ។
៣២.បក្សប្រជាជន....មិនចេះឆ្អែតឆ្អន់.លោភលន់ពេកក្រៃ
លះបង់លិទ្ធិ.........ប្រជាធិបតេយ្យ......សម្លាប់គូដៃ
..................ព្រៃផ្សៃអស្ចារ្យ។
៣៣.ពេលបក្សស្ដេចឈ្នះ.នាំគ្នារូតរះ.លើកម្ចាស់ក្សត្រា
ស្ដេចសីហនុ........សោយរាជ្យរដ្ឋា...ក្លាយជាបិតា
..................ប្រជារាស្ត្រខ្មែរ!។
៣៤.សីហជាឪ.......ចំជាល្ងង់ខ្លៅ....អាស្រូវម៉្លេះទេ
ព្រោះស្ដេចជាមេ....ខ្មែរក្រហមដែរ...ម៉្ដេចមានលាភទ្វេ
..................ផ្លែកគេអស្ចារ្យ។
៣៥.ប៉ុលពតទុរយស..ស្ដេចក៏ដូច្នោះ...មានទោសដូចគ្នា
អាងទ្រង់ជាក្សត្រ....អោងអាត់ចេស្ដា..ធ្វើខុសយ៉ាងណា៎
..................ក្សត្រាគ្មានទោស។
៣៦.ឱសឱ!ទេសខ្មែរ..ម៉្ដេចក៏ខុសគេ.....មានតែជន្លោះ
ឧត្តមមន្ត្រី.........កុង្សីទាំងអស់.លោភលន់ឥតខ្ចោះ
..................មើលចុះខេមរា។
៣៧.ទោះជាតិរលំ....ពួកអញបានធំ............ទ្រនំវេហារ
គេឥតខ្វល់ទេ........សាសន៍គេត្រួតត្រា.....ខ្វល់តែដុល្លា
..................អស្ចារ្យណាស់ខ្មែរ។
៣៨.ប្រមូលដីរដ្ឋ.....យកលក់ប្រាកដ........តើក្បត់ជាតិទេ!
អ្នកហ៊ានទិតៀន....វ៉ៃលៀនភ្នែកធ្លែរ.នេះហើយទេសខ្មែរ
..................ផ្លែកគេអស្ចារ្យ។
៣៩.មើលចុះរាស្ត្រខ្មែរ..ឃើញមន្ត្រីគេ....មានទ្វេហូរហៀ
នៅតែគាំទ្រ..........រើសយ៎!គេជា.........អ្នកបើកនាវា
...................កម្ពុជាតទៀត។
៤០.ទាំងពៃទាំងស្គរ.រាស្ត្រខ្មែរស្លាប់គរ.រាស្ត្រទ្រស្ដេចទៀត
មេខ្មែរក្រហម......គេថ្នមឥតឃ្លៀត...ទោះជាពេជ្ឈឃាត
.................ក្បត់ជាតិយ៉ាងណា។
៤១.ខ្មែរនៅឯនាយ.ឃើញសាសន៍ខ្មែរពាយ.អន្តរាយខ្លោចផ្សា
យូនូបនិយកម្ម......ដីកម្ពុជា...............ខ្មែរក្រោម.ចំប៉ា
.................មានជាគំរូ៕

សូមគិតខេមរា!

០១.សាវតាចារចែង..ស្ដេចឈ្លោះប្រជែង....ញាតិឯងញឹកក្រៃ
ដណ្ដើមអំណាច....រាជបល្ល័ង្កកៅអី..ជួនឈ្លោះរឿងស្រី
................អប្រិយអស្ចារ្យ។
០២.ស្ដេចមួយពឹងយួន...ឱយជួយពួកខ្លួន.មាំមួនខ្លាំងក្លា
ស្ដេចមួយពឹងសៀម....ត្រៀមខ្លួនតវ៉ា...សម្លាប់ប្រហារ
....................ប្រាថ្នាយកជ័យ។
០៣.អវសានកម្ពុជា.....ត្រូវបរទេសចៀរ.......ចែកគ្នាស៊ីឆី
មានសៀមលាវយួន.....រៀបក្បួនគិតច្នៃ.....រង់ចាំដល់ថ្ងៃ
....................លេបដីខ្មែរទៀត។
០៤.មកពីស្ដេចខ្មែរ....កុង្សីផងដែរ........ពឹងគេខ្មីឃ្មាត
យកជាកម្លាំង.........ជួយច្បាំងធ្វើឃាត..រាស្ត្រខ្មែររួមជាតិ
....................នេះស្នៀតបាខ្មែរ។
០៥.ចំណែករាស្ត្រវិញ...មានទុក្ខទោរម្នេញ...ពេញនគរដែរ
ត្រូវគេតាមចាប់.........សម្លាប់ច្រើនទ្វេ........ទុកដីទំនេរ
...................សាសន៍គេមកនៅ។
០៦.រាស្ត្រស្លាប់ដោយសារ..គាំទ្រក្សត្រា.....ជាបាអាស្រូវ
ដែលពឹងយួនវេ........ឱយគេជួយឪ.....សម្លាប់ញាតិផៅ
...................កូនចៅសាសន៍ឯង។
០៧.សូមអស់រាស្ត្រខ្មែរ..គិតគូរគ្នាន់គ្នេរ.......រិះរេកុំក្រែង
លះបង់មេបា..........ណា៎ពឹងសាសន៍ផ្សេង..ឱយជួយប្រជែង
...................ដូចល្បែងកីឡា។
០៨.អ្នកធំខុសហើយ...ចុះហេតុម្ដេចឡើយ.រាស្ត្រអឺយច្រើនគ្នា
នៅតែគាំទ្រ.........ជ័យយោវន្ទា.........ទុកឱយកម្ពុជា
..................យួនចៀរយកទៀត។
០៩.អ្នកធំទុរយស....រាស្ត្រខ្លះដូច្នោះ..ធ្វើខុសព្រោងព្រាត
គាំទ្រមេបក្ស........ជាអ្នកទ្រុស្តជាតិ..ដែលប្រើល្បិចស្នៀត
..................វាតយកអំណាច។
១០.ខ្មែរគ្រប់អាត្មា..សូមគិតខេមរា!...........ការពារអង់អាច
ឈប់ពឹងសាសន៍គេ....ជ្រែយកអំណាច......សូមឈប់កោងកាច
..................ច្របាច់កខ្មែរ៕

សីហនុវាចា«ខ្ញុំជួយយួន»

០១.សីហអួតខ្លួន.........«ខ្ញុំបានជួយយួន..........គ្រប់ក្បួនវិស័យ
រហូតអស់រាជ្យ.............អំណាចកៅអី.........ដល់យួនជោគជ័យ
........................ជេរស្ដីឱយទ្រង់»។
០២.សីហបន្លឺ............«យួនជាក្រពើ..............រមិលគុណទ្រង់»
មើលចុះ!ខេមរា..............ពិតជាស្ដេចល្ងង់.........អួតថាព្រះអង្គ
........................ទ្រទ្រង់ជាតិយួន។
០៣.សីហជាខ្មែរ...........ឆ្លៀតជួយយួនវេ.......ឱយគេលាក់ខ្លួន
តាំងជាមូលដ្ឋាន............ក្នុងឋានទេសខ្លួន........អវសានត្រូវយួន
.........................អង្រួនស្មារតី។
០៤.វាគ្មិនបណ្ឌិត..........ដែលមានគំនិត្យ...........ទាសិទ្ធិសេរី
ស្ដេចចោទទោសក្បត់.....ភ័យរត់ចូលព្រៃ.........ខ្លះចងប្រលៃ
........................ព្រៃផ្សៃអស្ចារ្យ។
០៥.ចោទរាស្ត្រក្បត់ជាតិ....ដល់ទ្រង់លួចឆ្លៀត...ជួយវៀតណាមណា៎
អួតស្នេហាជាតិ............នេះស្នៀតក្សត្រា........សូមពិចារណា
........................អ្នកណា៎ក្បត់ជាតិ!។
០៦.យួនវេពូនពាក់..........ជាង៦ម៉ឺននាក់........បានលាក់ជ្រកជ្រៀត
នៅក្នុងដីខ្មែរ...........ហើយគេលបឆ្លៀត.......ជិះជាន់ពិឃាត
.......................សម្ពាធរាស្ត្រខ្មែរ។
០៧.ស្ដេចលាក់ស្ងៀមឈឹង..ខ្មែរលើករឿងហ្នឹង..ស្ដេចខឹងស្រែកជេរ
ចោទរាស្ត្រក្បត់ជាតិ......ធ្វើឃាតច្រើនទ្វេ...........ធ្វើបាបទាល់តែ
.......................ខ្មែរបាក់ស្មារតី។
០៨.ស្ដេចជាមេបា.........ដឹកនាំ«កម្ពុជា..........ប្រជាធិបតេយ្យ»
បក្សស្ដេចបានឈ្នះ......ព្រលះប្រលៃ..............ប្រជាប្រុសស្រី
.......................កុមារីកុមារា។
០៩.ខុសប៉ុណ្ណឹងហើយ....សីហបានឆ្លើយ...........ព្រងើយឡើងថា
ទ្រង់ឥតធ្វើខុស...........គ្មានទោសទេណា៎............គឺគេប្រហារ
......................ពួកអាក្បត់ជាតិ!។
១០.ពួកស្ដេចប្រហារ......ទារកកុមារ............សុទ្ធអាក្បត់ជាតិ!!!
ស្ដេចនិងបក្សពួក........គំរក់ចោលម្សៀត.....គឺជាពេជ្ឈឃាត
......................ពិឃាតជាតិខ្មែរ៕
តែងនូវឆ្នាំ២០០៧ដោយៈ ផាត់រឿន

ទារកក្បត់ដែរ!

០១.ខ្មែរដែលស្លាប់នោះ...សុទ្ធមានកំហុស......ជាប់ទោសក្បត់ជាតិ!
ទាំងរាស្ត្រមន្ត្រី...........ចោរព្រៃជួជាតិ........ទាំងព្រះសង្ឃទៀត
........................ពិឃាតច្រើនទ្វេ។
០២.«កម្ពុជា..ធិបតេយ្យ»...បក្សនេះជោគជ័យ...........សីហជាមេ
យុគដែលស្ដេចឈ្នះ.......ព្រលះរាស្ត្រខ្មែរ...........ទារកក្បត់ដែរ!
..........................ត្រូវគេពាធា!។
០៣.បច្ចុបន្នស្ដេចខ្មែរ......ថាមិនដឹងទេ...........ប្រាប់គេគ្រប់គ្នា
អួតគ្មានកំហុស..............ធ្វើខុសអ្វីណា៎.............គឺគេប្រហារ
..........................ពួកអាក្បត់ជាតិ។
០៤.ខ្មែរពីរលានលាក់.........ទទួលមរណៈ............រកអ្នកពិឃាត
មិនឃើញម្នាក់សោះ........មើលចុះ!ផៅញាតិ.........អ្នកដឹកនាំជាតិ
......................មានស្នៀតអប្រិយ។
០៥.ជាងពីរទសវត្ស...........អ្នកដឹកនាំរដ្ឋ...........ធ្វើអត់ដឹងអី
ទុកឱយឃាតករ...............រស់ហ្ន៎!ប្រិមប្រិយ.........រួចផ្លែសំដី
..........................ថាថ្លៃឥតខុស។
០៦.ប្រទេសកម្ពុជា.........ពលរដ្ឋគ្រប់គ្នា........វេទនាមានគ្រោះ
ដោយអ្នកដឹកនាំ.......ខាំពាំរឿងឈ្លោះ......យកមកសាបព្រោះ
..........................ចំពោះខេមរា។
០៧.ហើយពឹងបរទេស.........ឱយជួយសំឡេះ..........ជាន់ជិះប្រហារ
ដល់បានឈ្នះហើយ..........គេអើយត្រួតត្រា...........កាត់ដីកម្ពុជា
.........................ជួនជា CADEAU ។
០៨.ស្ដេចត្រូវសោយរាជ្យ..តែលោភអំណាច..កោងកាចទ្រឹស្តស្មូរ
អ្នកប្រឆាំងអញ............ចាប់បាញ់ស្លាប់គរ.........ឯអ្នកគាំទ្រ
.......................ស្រែកហ៊ោល្អណាស់។
០៩.សូម្បីស្លាប់ហើយ.....អ្នកឈ្នះបានឆ្លើយ...ប្រាប់អើយតែផ្ដាស់
«ពួកអាក្បត់ជាតិ».......នេះស្នៀតលោកម្ចាស់.ឥតមានចិត្តខ្មាស
.........................ជាតិសាសន៍ដទៃ។
១០.សីហនុវាចា........ឱយពួកតុលាការ...........កត់ត្រាកាត់ក្ដី
របបលន់នល់!.......ដល់«កម្ពុជា..ធិបតេយ្យ».....ស្ដេចឥតវចី
........................ជេរស្ដីមួយម៉ាត់៕
តែងនូវឆ្នាំ២០០៧ដោយៈ ផាត់រឿន

រជ្ជកាលសីហនុ

០១.ទសវត្សសែមួយ.........បារាំងលើកស្ទួយ........ស្ដេចមួយព្រះអង្គ
នាមសីហនុ.................សីលុទៀតផង...........ឱយឡើងគ្រប់គ្រង
.........................រាជ្យបល្ល័ង្កខ្មែរ។
០២.សីហដាក់រាជ្យ..........ថ្វាយបីតាសោយរាជ្យ.....មិនខ្លាចបាបទេ
ទ្រង់លោភអំណាច..........កោងកាចខុសគេ...........នាំទុក្ខធ្ងន់ទ្វេ
........................ជូនខ្មែរគ្រប់គ្នា។
០៣.ក្រោយពីដាក់រាជ្យ.....ស្ដេចក្ដោបអំណាច..........នាំរាជរដ្ឋា-
ភិបាលកម្ពុជា.............ពេលនោះខេមរា.............មានតែប្រេះឆា
........................ចលាចលរាល់ថ្ងៃ។
០៤.បញ្ញវន្តនិស្សិត......ដែលប្រើគំនិត្យ.............ទារសិទ្ធិសេរី
ត្រូវជាប់ទោសក្បត់.........ភ័យរត់ចូលព្រៃ...............ធ្វើខ្មែរសេរី
........................ឬខ្មែរក្រហម។
០៥.នៅភ្នំម៉ាលៃ........ខ្មែរតស៊ូក្នុងព្រៃ..............សេរីនិយម
គឺខ្មែរឥស្សរៈ............ធ្វើអព្យាគម.........ក្រោមការឧបត្ថម
.......................មេធំអាគាំង។
០៦.ពួកខ្មែរក្រហម........បានរៀនក្រិតក្រម............អាគមចម្បាំង
ពីពួកយួនវេ...............ឱយគេតតាំង................ដេញពួកបារាំង
.......................ប្រឆាំងស្ដេចដែរ។
០៧.ស្ដេចនិងមេហសី......នាំគ្នាព្រួតដៃ................ជួយជ្រៃយួនវេ
ឱយតាំងមូលដ្ឋាន.........គ្រប់ឋានទេសខ្មែរ............តើត្រឹមត្រូវទេ!
.......................សូមខ្មែរគិតរ៉ា។
០៨.ស្ដេចព្រមតុកល៉ុង......ឱយពួកវៀតកុង...........នៅក្នុងខេមរា
ជាង៦មឺុននាក់.............សត្យអស្ចារ្យ.........ហើយស្ដេចអួតថា
.......................អព្យាក្រិតពិត។
០៩.វៀតកុងច្រើនក្រៃ......ជ្រកក្នុងបុរី.................ទឹកដីខ្មែរពិត
ពួកវាជិះជាន់.............ទារពន្ធជំរិត...............ពីខ្មែរមែនពិត!
......................នេះមិត្តស្ដេចខ្មែរ។
១០.ដោះស្រាយមិនចេញ...សីហទោរម្នេញ.......គេចចេញស្រុកខ្មែរ
ទៅដល់បារាំង...........តាំងស្រែកប្រាប់គេ..........មកព្យាបាលទេ
......................សូមខ្មែរជ្រាបផង។
១១.ពេលនោះរាស្ត្រខ្មែរ..និស្សិតផងដែរ............បានហែអឺងកង
សុំឱយពួកយួន............លាក់ខ្លួនទាំងហ្វូង........ចេញក្រៅរបង
.......................ព្រំដែនកម្ពុជា។
១២.តែផ្ទុយទៅវិញ.......សីហបញ្ចេញ..........ខាំធ្មេញហិង្សា
ថារាស្ត្រមាក់ងាយ.........ចៅហ្វាយយួនភ្ងា.......ស្ដេចជេរប្រជា
.......................ជាពួកក្បត់ជាតិ។
១៣.ពេលនោះខេមរា......ឥតមានមេបា........ចលាចលព្រោងព្រាត
ស្ដេចនៅបារាំង.........តាំងខ្លួនអាពាធ....តាមពិតភ្លាត់ស្នៀត
......................ត្រូវវៀតកុងបោក។
១៤.ចងចាំខេមរា.........ដប់ប្រាំបីមិនា(១៩៧០).ព្រឹត្តិការណ៍ក្នុងលោក
សាធារណរដ្ឋខ្មែរ.......លេចធ្លែរកើតមក......សង្គ្រាមទុក្ខសោក
......................ចូលជ្រកដីខ្មែរ។
១៥.សង្គ្រាមផ្ទុះឡើង...ទ័ពយួនខាងជើង.........ចេញឡើងច្រើនទ្វេ
បានបាញ់សម្លាប់........កងទ័ពជាតិខ្មែរ........ចាប់ជាឈ្លើយដែរ
......................សូមខ្មែរជ្រាបណា៎។
១៦.សីហយល់ព្រម........នឹងខ្មែរក្រហម.............រួបរួមចូលគ្នា
បង្កើត«រណសិរ្ស........រួបរួមជាតិកម្ពុជា».......ហើយនិង«រាជរដ្ឋា
......................ភិបាល..ជាតិកម្ពុជា»។
១៧.ឆ្នាំមួយពាន់ប្រាំ-.....បួនរយចិតសិបប្រាំ..........ដប់ប្រាំពីរមេសា
បក្សស្ដេច«រណសិរ្ស....រួបរួមជាតិកម្ពុជា».......ឈ្នះបក្សសាធា-
......................រណៈរដ្ឋខ្មែរ។
១៨.បក្សស្ដេចជោគជ័យ.នាំគ្នាប្រលៃ..........មន្ត្រីសាសន៍ខ្មែរ
រួចហើយជន្លៀស.......ឱយរាស្ត្រគ្នាន់គ្នេរ.......ចេញពីផ្ទះគេ
......................ក្រាញរេត្រូវក្ស័យ។
១៩.ពលរដ្ឋខ្មែរបាន.....ចាកគេហដ្ឋាន.........តែប្រាណគ្មានអ្វី
មានចាស់ជរា............ពិការជើងដៃ...........ក្មេងចាស់ប្រុសស្រី
......................ចូលព្រៃគ្រប់គ្នា។
២០.រាស្ត្រចាកចេញផ្ទះ...ឥតហ៊ានមានះ.............ប្រទះទុក្ខា
គ្មានម្ហូបចំណី.........គ្មានអ្វីភោក្ដា..........បែរមានរោគា
.....................តាមព្យាបាទទៀត។
២១.ខ្មែរពីរលាននាក់.....ទទួលមរណៈ.............អ្នកណា៎ពិឃាត
បក្សស្ដេច«រណៈ.......សិរ្សរូបរួមជាតិ.........កម្ពុជា»ខ្មីឃ្មាត
.....................ពិឃាតរាស្ត្រខ្មែរ។
២២.ថ្ងៃទីពីរមេសា......សីហបានលា.............ចាកងារខ្ពស់ទ្វេ
ឱយសំផនឡើង.........ជំនួសស្ដេចខ្មែរ.......ងារ«ប្រមុខរដ្ឋខ្មែរ»
....................ជ្រាបទេខេមរា។
២៣.សំផន-ប៉ុលពត......អ្នកកាច់ចង្កូត........ដកហូតប្រហារ
ហើយចោទពលរដ្ឋ.....ពួកក្បត់អង្គការ.......ជា C.I.A.
....................វ៉ៃណា៎កំទេច។
២៤.បីឆ្នាំប្រាំបី-........ខែនិងម្ភៃថ្ងៃ...........ទុក្ខភ័យជានិច្ច
ផ្ទះគ្មានមនុស្សនៅ...ផ្លូវគ្មានអ្នកត្រាច់...ស្នាដៃបក្សស្ដេច
.....................កុំភ្លេចខេមរា។
២៥.ឆ្នាំមួយពាន់ប្រាំបួន-..រយចិតប្រាំបួន...........យួនលេបកម្ពុជា
ត្រូវនឹងថ្ងៃទី............ប្រាំពីរមករា..............សូមជ្រាបខេមរា
.....................ចារជាប្រវត្តិសាស្ត្រ។
២៦.ទ័ពយួនពូនពាក់......១៧ម៉ឺននាក់.............ពិទ័គ្ទជាក់ច្បាស់
ដេញពួកប៉ុលពត........រត់លោតច្រាល់ច្រាស.កម្មពៀរលឿនណាស់
....................មកប៉ះវាម្ដង។
២៧.សីហ សំផន........ប៉ុលពត ប៊ុនគន.........គ្រប់បនយង់ឃ្នង
គេចចូលក្នុងព្រៃ........ព្រួយភ័យកន្លង..........បានចិនជាខ្នង
....................ជួយយោងជីវិត។
២៨.សឺនសេន អ៊ឹងជឿន..សារី ជួនជឿន........ជាភឿនសមមិត្ត
បានរស់ព្រោះចិន-......ប្រជាមានិត្យ.......ជួយដោយសុទ្ធចិត្ត
....................ឥតគិតប្រាក់កាស់!។
២៩.ចិនជួយអាវុធ.......ឱយមិត្តប្រយុទ្ធ........កុំស្លុតរត់ផ្ដាស់
តែទ័ពយួនខ្លាំង.......បានច្បាំងវ៉ៃឈ្នះ....ខ្មែរក្រហមគេចភៀស
...................ស្លាប់ពាសពេញព្រៃ។
៣០.សីហនុ-សឺនសាន..សំផន ពួកលោកបាន....ស្ម័គ្រប្រាណចាប់ដៃ
រួបរួមសាមគ្គី.........ភាគីទាំងបី...................ប្រយុទ្ធតដៃ
...................ព្រួតវ៉ៃទ័ពយួន។
៣១.សង្គ្រាមយូរទៅ..ស្លាប់តែញាតិផៅ........កូនចៅជាតិខ្លួន
ភាគីទាំងបី...........ប្រឹងវ៉ៃទ័ពយួន............ខ្មែរស្លាប់ទេស្ងួន
...................ពួកយួនហូរហៀ។
៣២.សន្និសិទ PARIS..ចតុភាគី......................ជួបពិភក្សា
ដោយអន្តរជាតិ......សម្ពាធសុំថា..............សូមឈប់ប្រេះឆា
...................ប្រហារគ្នាទៀត។
៣៣.ភាគីទាំងអស់.....ចូលតុពិគ្រោះ.........ដោះស្រាយខ្មីឃ្មាត
យល់ព្រមឈប់ច្បាំង...តតាំងពិឃាត............ដោយសារសម្ពាធ
..................អន្តរជាតិផងណា៎។
៣៤.ទសវត្សកៅបី..នៅក្នុងទឹកដី..................បុរីកម្ពុជា
មានលិទ្ធិថ្មី.......សេរីភាពស្មើគ្នា.........រាស្ត្ររើសបក្សណា
.................ស្រេចណា៎លើរាស្ត្រ។
៣៥.ក្រោយមកសភា..មូលមតិគ្នា.............ជូនងារស្ដេចខ្មែរ
លើកទ្រង់សោយរាជ្យ.រាជបល្ល័ង្កខ្មែរ.........ទ្រង់សប្បាយទ្វេ
..................សមទេ!ខេមរា។
៣៦.សីហដាក់រាជ្យ...ថ្វាយបុត្រសោយរាជ្យ..មានប្រាជ្ញជ្រះថ្លា
ថ្វាយសីហមនី.......ជាទីស្នេហា...................របស់មេបា
..................មហាក្សត្រខ្មែរ។
៣៧.ដៀលរាស្ត្រក្បត់ជាតិ..សីហលបឆ្លៀត.....ជួយជាតិយួនវេ
អ្នកណា៎ក្បត់ជាតិ!!!..ពិឃាតរាស្ត្រខ្មែរ!..បក្សស្ដេចមែនទេ!!!
...................ស្ដេចខ្មែរគ្មានកំហុស!!!៕
តែងនូវឆ្នាំ២០០៧ដោយៈ ផាត់រឿន
-រជ្ជកាលសម្ដេចសីហនុៈ
.សម្ដេចសីហនុបានឡើងសោយរាជ្យនូវថ្ងៃទី២៤ខែមេសាឆ្នាំ១៩៤១។
.សម្ដេចបានដាក់រាជ្យនូវថ្ងៃទី៣ខែមិនាឆ្នាំ១៩៥៥។
.សីហនុដឹកនាំរាជរដ្ឋាភិបាលខ្មែរចាប់ពីឆ្នាំ១៩៦០ រហូតដល់ថ្ងៃទី១៧មេសា
ឆ្នាំ១៩៧០។
.សម្ដេចសីហនុជាប្រជាមុខរដ្ឋនៃរដ្ឋកម្ពុជាប្រជាធិបតេយ្យ(មេខ្មែរក្រហម)
រហូតដល់ថ្ងៃទី២មេសាឆ្នាំ១៩៧៦។
.សម្ដេចសីហនុជាប្រធានរដ្ឋាភិបាលចម្រុះត្រីភាគី ពីឆ្នាំ១៩៨២រហូតដល់
ឆ្នាំ១៩៨៩។
.សម្ដេចសីហនុបានយាងចូលប្រទេសកម្ពុជានូវថ្ងៃទី១៤ខែវិច្ឆិកាឆ្នាំ១៩៩១
រហូតដល់ថ្ងៃទី២៤ខែវិច្ឆិកាឆ្នាំ១៩៩៣ ជាប្រមុខរដ្ឋស្ដីទី។
.សម្ដេចសីហនុបានឡើងសោយរាជ្យនូវថ្ងៃទី២៤ខែវិច្ឆិកាឆ្នាំ១៩៩៣
រហូតដល់ថ្ងៃទី៧តុលាឆ្នាំ២០០៤។
.សម្ដេចសីហនុបានដាក់រាជ្យនូវថ្ងៃទី៧ខែតុលាឆ្នាំ២០០៤។
.សីហមនីបានឡើងស្នងរាជ្យបន្តនូវថ្ងៃទី១៤ខែតុលាឆ្នាំ២០០៤។

ស្ដេចខុសឬទេ!

០១.ស្ដេចសីហនុ...........ធ្វើខុសពហុ.............គ្មានគរុទោស!
អួតខ្លួនធ្វើល្អ............ដរឆរពិរោះ.........ស្ដេចជួយយួននោះ!
........................តើទ្រុស្តជាតិទេ!។
០២.ស្ដេចព្រមតុកល៉ុង.......ឱយពួកវៀតកុង.........នៅក្នុងដីខ្មែរ
អួតថាអព្យាក្រឹត............តែចិត្តវៀចវេរ..........ស្ដេចខុសឬទេ?
........................សូមខ្មែរវិនិច្ឆ័យ។
០៣.ស្ដេចជេរគេឯង........ប្រៀបដូចជាក្មេង..........វង្វែងស្មារតី
ជាពុទ្ធសាសនិកជន.........ចិត្តអន្យតិរ្ថិយ..........ពឹងសាសន៍ដទៃ
........................ឱយខ្វៃសាសន៍ខ្មែរ។
០៤.ស្ដេចជេរតិះដៀល.....ខ្មែរខៀវពួកពាល.....ត្រូវឆ្កៀលឆាប់ទ្វេ
ជាប់ទោសក្បត់ជាតិ........ធ្វើឃាតគ្នាន់គ្នេរ......ចោទហ្នឹងត្រូវទេ!
........................សូមខ្មែរគិតរ៉ា។
០៥.ដៀលរាស្ត្រក្បត់ជាតិ...ដល់ទ្រង់លួចឆ្លៀត...ជួយវៀតណាមណា
អួតថាធ្វើត្រូវ..............តាមផ្លូវមាត្រា.............វិនិច្ឆ័យខេមរា
.......................អ្នកណាក្បត់ជាតិ!។
០៦.ស្ដេចអួតអព្យាក្រឹត....តែទ្រង់ចូលជិត........យកមិត្តមានស្នៀត
មានចិនកូរេ...............យួនវេសូវៀត........ជាកុម្មុយនិស្តទៀត
.......................ក្បត់ជាតិដែរទេ!។
០៧.ខ្មែរសាធារណរដ្ឋ.....ជាប់ចោទទោសក្បត់...ធ្វើគុតស្ដេចខ្មែរ
ស្ដេចតាមសម្ពោធ.......ដកហូតច្រើនទ្វេ...........សម្លាប់ទាល់តែ
.......................ពួកគេបាក់ស្បាត។
០៨.ស្ដេចជេរដៀលឈ្មោះ.ខ្មែរខៀវទុរយស..ថ្កោលទោសព្យាបាទ
សម្ដីស្ដេចដូច...........ជនខូចប្រសាទ............ចិត្តទ្រុស្តឧត្បាត
.......................ប្រមាថជេរស្ដី។
០៩.ស្ដេចជាមេបា.........ដឹកនាំ«កម្ពុជា.............ប្រជាធិបតេយ្យ»
ពេលបក្សស្ដេចឈ្នះ.....ព្រលះអស់ដៃ..........ឱយរាស្ត្រខ្មែរក្ស័យ
.......................ច្រើនក្រៃផងណា៎។
១០.អញស្ដេចធ្វើខុស......គ្មានអ្នកកាត់ទោស.........កំហុសអញរ៉ា!
អភ័យឯកសិទ្ធ............គ្របជិតអត្តា.................ឬអាងអាត្មា
.......................មានសារប័ណ្ណឡប់!៕
តែងនូវឆ្នាំ២០០៧ដោយៈ ផាត់រឿន

ខ្មែរត្រូវតែដូរ

០១.ជ្រៃជាបញ្ញើ.......រស់រាននៅលើ.............ដើមឈើព្រឹកព្រៃ
ឫសជ្រៃរុំព័ទ្ធ.........ស្លឹកវាត់បាំងថ្ងៃ.........ធ្វើឱយឈើក្ស័យ
...................រីងរៃខ្លោចផ្សា។
០២.សន្សឹមៗជ្រៃ.....លូតលាស់ស្កឹមស្កៃ.....មានជ័យខ្លាំងក្លា
ដល់អ្នកដឹងខ្លួន......នឹមនួនtrop tard........ជ្រៃជាម្ចាស់ការ
....................ត្រួតត្រាអ្នកហើយ។
០៣.វៀតណាមជាជ្រៃ.....សូមខ្មែរប្រុសស្រី........ដកដៃឆាប់អើយ
កុំឱយជ្រៃរឹត............ជីវិតទៀតវើយ...........បើអ្នកកន្តើយ
...................ស្គាល់អើយតែទុក្ខ។
០៤.ទឹកដីចំប៉ា........ត្រូវជ្រៃលេបណា៎..........ត្រួតត្រាពេញមុខ
ចំប៉ាបាត់ឈ្មោះ....បាត់យសគ្មានសុខ.........ស្គាល់តែទំនុក
..................ទុក្ខភ័យរាល់ថ្ងៃ។
០៥.ដីកម្ពុជាក្រោម...ត្រូវជ្រៃព័ទ្ធឡោម.......ចោមរោមស៊ីឆី
ជ្រៃប្រើល្បិចកល.......ទាញផលកម្រៃ..........សម្រេចជោកជ័យ
...................បានដីនេះទៀត។
០៦.ដីខ្មែរកណ្ដាល.....ជ្រៃដុះពាសវាល....រាលដាលជ្រែកជ្រៀត
ក្លាយជាម្លប់ធំ.......ខ្មែរសុំជ្រកសៀត..ជ្រៃប្រើល្បិចស្នៀត
.....................ខ្មែរខ្ទាតអស់ដី។
០៧.ខ្មែរមួយចង្អេរ.....ពឹងម្លប់ជ្រៃទេ!.......អួតស្នេហ៍ទឹកដី
អួតមិនដឹងខ្លួន.........ថាយួនជាជ្រៃ...........រុំព័ទ្ធរឹតថ្លៃ
.....................ឱយក្ស័យជីវា។
០៨.ជាមួយរាស្ត្រខ្មែរ...ស្ដេចមន្ត្រីខ្មែរ.........វ៉ៃជេរប្រហារ
នឹងសាសន៍វៀតណាម...ស្ដេចត្រៀមសិរសា......ឱនក្រាបវន្ទា
....................បូជាថ្វាយគ្រូ។
០៩.ទឹកដីចំប៉ា..........ដីខ្មែក្រោមណា៎...........មានជាគំរូ
ត្រូវជ្រៃលេបអស់........មានគ្រោះជាថ្នូរ........ខ្មែរត្រូវតែដូរ
....................ឈប់ទ្រយួនទៅ។
១០.សូមខ្មែរប្រុសស្រី...ឈប់ពឹងម្លប់ជ្រៃ.......ពីថ្ងៃនេះទៅ
ជ្រៃមានឥទ្ធិពល.......ឱយផលអាស្រូវ...ជ្រៃព័ទ្ធឆោមឆ្លៅ
....................ជាតិផៅក្សិណក្ស័យ៕
តែងនូវឆ្នាំ២០០៧ដោយៈ ផាត់រឿន